VXP ແລະ LO PETROLEUM ປະກອບສ່ວນໃນວັນສຳຄັນສອງຊາດລາວ - ຫວຽດນາມ

(ຂປລ): ໃນວັນທີ 7 ພຶດສະພາ 2012 ທີ່ຜ່ານມາ , ທ່ານ ບົວສອນ ໄຊຍະບຸດ ຮອງຜູ້ອຳນວຍການບໍລິສັດ VXP ສາຂາແຂວງສະຫວັນນະເຂດ ແລະທ່ານ ບຸນປອນ ມີທຸງເດດ ຮອງຜູ້ອຳນວຍການບໍລິສັດ LO PETROLEUM ໄດ້ນຳເອົາເສື້ອຈຳນວນ 60 ຜືນ ມີມູນຄ່າ 2.00.000 ກີບມາມອບໃຫ້ແກ່ໜັງສືພິມ ສະຫວັນພັດທະນາເພື່ອນຳໄປແຈກ ຍາຍໃນກິດຈະກຳຖາມ-ຕອບບັນຫາກ່ຽວກັບວັນສ້າງຕັ້ງສາຍພົວພັນທາງການທູດລາວ-ຫວຽດນາມຄົບຮອບ 50 ປີ (5/09/1962-5/09/2012) ແລະ ວັນເຊັນສົນທິສັນຍາ ຮ່ວມມືມິດຕະພາບລາວ-ຫວຽດນາມຄົບຮອບ 35 ປີ (18/07/1977-18/07/2012) ເຊິ່ງກິດ ຈະກຳແມ່ນຈະພິມອອກໃນໜັງສືພິມສະຫວັນພັດທະນາ ເລີ່ມຕົ້ນໃນກາງເດືອນ ພຶດສະພານີ້ . ໃນການກ່າວຮັບເຄື່ອງດັ່ງນີ້ , ທ່ານ ພິນໄຊ ຊົມຊອບ ຫົວໜ້າ ບັນນາ ທິການໜັງສືພິມສະຫວັນນພັດທະນາໄດ້ກ່າວສະແດງຄວາມຂອບໃຈມາຍັງທັງສອງບໍລິສັດ ທີ່ໄດ້ປະກອບສ່ວນເຂົ້າໃນກິດຈະກຳດັ່ງກ່າວໃຫ້ເປັນ ຂະບວນຟົດຟື້ນ ແລະ ຄາດວ່າກິດຈະກຳນີ້ຈະເຮັດໃຫ້ບັນຍາກາດຂອງການສະເຫຼີມສະຫຼອງສອງວັນສຳຄັນທາງປະຫວັດສາດຂອງສອງຊາດລາວ - ຫວຽດນາມ ມີບັນຍາກາດ ທີ່ໜັກແໜ້ນ ແລະ ມີຄວາມໝາຍ ./.

(Nguồn: Báo Pathet Lao)